„ეკორეგიონული კორიდორების პროგრამა კავკასიაში

WWF-ის პროექტი  „ეკორეგიონული  კორიდორების პროგრამა  კავკასიაში“ ფაზა II ფარგლებში ხულოს და შუახევის მუნიციპალიტეტის  მიზნობრივი სოფლებისთვის ჩატარდა  II საგრანტო კონკურსი თემაზე “ველური ბუნების დაცვა და შენარჩუნება”.

„ეკო კორიდორების“ პროექტი ხორციელდება WWF-ის კავკასიის პროგრამის ოფისის მიერ, გერმანიის ეკონომიკური თანამშრომლობისა და განვითარების სამინისტროს (BMZ)  ფინანსური დახმარებით,  გერმანიის რეკონსტრუქციის საკრედიტო ბანკის (KFW)  მეშვეობით.  პროექტის საკონსულტაციო მომსახურებას უზრუნველყოფს კომპანია ,,GOPA Consultants”-სა და „DFS“-ის კონსორციუმი.

პროექტი მიზნად ისახავს არსებული ბიომრავალფეროვნების კონსერვაციას სამხრეთ კავკასიაში ადგილობრივი მოსახლეობის მხარდაჭერისა და სოციო-ეკონომიკური პირობების ამაღლების პარალელურად.